عناقيد النّور
دايبة في عسل العيون
بتقول شجر
لابس روايح الشجن
وبيغني:ياليل
وبيغنّي: عناوين الروح
ماهيش ثابتة
وخدعة الوقت
إنه بدلاّيه نصّها التاني
في رقبِة أوّل حبيبة
راحت
ورا الشجر
البعيد

ب

الجسد
تلج محروق
تلج بردان
تلج متكسر
تلك صلد
تلج سايح على كفوف الغرابة
تلج ملوش ذنب
غير انه تلج!

ج

راح أسكُت
وانشر القصيدة
واسيبها تتصفى
واشيلها قبل ماتنشف
لما تصرخ الجارة اللي تحت
وانا كاتم ضحكتي
من زعيق الجارة
الجارة اللي خدودها
اتلونت تفّاح و ميّة
نقطت
من حبالي

د

جواباتي
اللي رجعت
الـ مش متسجّلة
رجعت من غير حروف
ومكان اسم المُرسِــل
حفرةْ حمرة

هـ

و